Stórkostlegur Sigur á Ír-ingum var staðreynd eftir mikla baráttu.
Eitthvað fóru dómarnir í skapið á Halla svo að hann fékk 2 tæknivillur á sig og þar með leikbann.
Það er greinilegt að dómarar og Leiknir fara ekki vel saman.
Við vorum yfir mest allan leikinn þangað til að okkar menn fóru að spila eitthvað illa.
Ír ingar (benni) notfærðu sér það og komust yfir í fyrsta sinn í leiknum.
En rosaleg breidd okkar Leiknismanna og stórkostlegir áhorfendur voru of mikið fyrir andstæðinga okkar og öruggur sigur í höfn.
Nú þurfa hin liðin að taka sig á til þess að elta okkur.
Næsti leikur er gegn Borgnesingum, tókum þá létt seinast og eiga þeir eftir að koma í hefndarhug í AUSTURBERGIÐ þar næstu helgi. Austurberg er búið að vera okkur erfitt og var Daði að tala um að safna saman í Höll handa okkur. Þar með þurfum við að hækka gjaldið úr 12.000 krónum í cirka 48.012.000 á mann.
Daði sér um að rukka þetta inn.
Vorum að spá í að setja líka nýja reglu. Allir að taka með sér minnst einn áhorfenda á leik. 1 stig fyrir venjulegan áhorfenda en 4 stig ef yfirmaður á vinnustað kemur að horfa. Unnar og Snorri eru því með 5 stig eftir ír-leikinn :)
Kassi af Bjór í verðlaun.
Sjáumst allir hressir á Ölveri á eftir þar sem Siggi er búin að lofa okkur ódýrum hamborgunum og brjálaðari stemningu.

Höttur komu sterkir í Austurbergið og unnu okkur Leiknismenn með cirka 35 stiga mun. Gaman að sjá hvar við stöndum gegn úrvaldsdeildarliði eins og þessu og hefðum léttilega getað endað þennan leik með minni stigamun þar sem skotin voru ekki að detta hjá okkur. Greinilegt samt að vörnin var sterkari en við erum vanir og tókst þeim að trufla leikinn mikið með pressu á leikstjórnendur Leiknis.

Þó svo að við töpuðum þá voru við samt miklu meira töff, nýjir upphitunarbolir komnir og allir þar með í stíl :D

Við erum reynslunni ríkari og komum sterkari til  næsta leiks..

Framundan er pása í körfunni, næsti leikur ekki fyrr en seint í Janúar (vegna þess að við áttum að eiga fyrsta leik við Keflavík sem drógu sig úr keppni). Nú er málið bara að taka á því á æfingum og stefnan tekin á alsherjar ,,sixpack" hjá öllum í liðinu eftir jól.

Okkur vantar stuðning ÞINN!!

Á laugardaginn spilum við á móti Hetti í bikarnum og veitir ekki af öllum þeim stuðningi sem að við getum fengið. Því hvetjum við alla Leiknis menn og konur til að fjölmenn uppí Austurberg kl.14:00 á laugardaginn 10.des.

Reynum að fjölmenna á laugardaginn og áfram Leiknir!!

Það var lagt af stað í ferðlag til Voga á vatnsleysuströnd til að keppa í bikarnum. Eitthvað var myndavélin og stelpurnar sem voru að horfa á að trufla Snorra svo hann tók sjálfan sig útaf á 4 mín með glæsilegu misstígi sem sendi hann næstum því á bráðavaktina.

Maður kemur í manns stað og framundan var veisla fyrir augað. Hörku spennandi leikur framundan þó Leiknismenn hafi ávallt einu skrefi á undan. Áhorfendur voru okkur erfiðir á þann máta að liðsmenn Leiknis heyrðu einfaldlega ekki hvað leikstjórnandinn kallaði fyrir látunum. Mikil átök voru í leiknum og í 4 leikhluta komust Þróttarar yfir. Leiknismenn jöfnuðu þó leikinn og spennan svo mikil að maður gat heyrt saumnál detta (Þ.e. hefðu ekki verið svona mikil læti í áhorfendum, af hverju höfum við ekki svona trommara??).

Þegar stigin voru jöfn og nokkrar sekúndur eftir áttu Leiknismenn innkast, Ari fékk boltann og hefur eflaust hugsað sér að skora aðra sigurkörfu eins og í síðasta leik en fékk góða vörn á sig og gaf flotta sendingu á Halla, sem greip hann í loftinu. Nú var spennan orðin svo mikil að tímin einfaldlega stoppaði þegar Halli fékk boltann, örfár sekúndur eftir og allt stefndi í ,,bösser" körfu, en Halli mjög óheppinn, náði ekki að senda hann alla leið og framlenging því staðreynd.

Leiknismenn komu sterkir inn í framlenginguna og sigruðu í lokin, nema Halli sem hélt að við hefðum tapað og fylltist mikilli gremju þegar hann sá að samherjar sínir voru að fagna tapinu (sigrinum). Hann áttaði sig samt fljótt á því og maður gat séð bros í gegnum tárin.

Ekki ein einasta tæknivilla í þessum leik, Mikki fékk þó eina ásetnings en má eiga það að það varð að stoppa þennan mann. Sýndum mikla samstöðu þegar við lentum undir og náðum yfirhöndinni aftur.

2 sigrar í röð og næsti deildarleikur á sunnudaginn. Mjög mikilvægur leikur og ef við vinnum þá erum við komnir á þægilegan stað í efri topp deildarinnar.    Áfram Leiknir!!!!!